|
Startseite » Off Topic » Dies und Das » Zum schmunzeln
| Zum schmunzeln [Beitrag #111130] |
So, 10 September 2006 14:20  |
 |
Anthea
Beiträge: 46
Registriert: September 2006
Ort: Hessen
|
Member |
|
|
Die Hungerkur!
Von Dr. med Hans Pecinka Wien
I hab mit der Figur ja Glück
Net, dass S leicht glauben, i bin zu dick!
Ja, mollert bin i schon a wenig.
Die Schoß und dKladeln wern ma Zeng,
Daß i mich grad noch eingepreß
In so a schwache Fünfergröß.
Und weil des net so weitergeht,
Leb i jetzt nur mehr streng Diät.
Na, in der Fruah - a Lackl Tee,
Kan Zucker und kan Mülchkaffee.
Von Gugelhupf, Wuchteln gar ka Red,
Kan Striezel und kan Strudel net.
Zwa Keks! Orantschensafl dazua,
Was tuat ma net - zweng der Figur!
Am Vormittag,wenni nix iß,
Wird mir vor lauter Hunger mies.
Na, so was hat ja a kan Zweck!
A Salzstangerl, a Schinkenspeck,
Des is erlaubt bei jeder Kur
Ma ißt ja eh zwanzg Deka nur.
A Flascherl Bier, ka schwarzs derf s sein,
Des macht sonst dick, des siech i ein.
Dann turn i fest - wegn meine Füaß
Und krieg an Gusto auf was Süaß.
A Mozartkugerl, Praline',
A Kokoskupperl, a Frappe
In Mixer eine, gleich is fix
Ma ißt ja sonst doch eh fast nix.
Zmittag a Kalbsschnitzerl natur,
Nur ka Panier - zweng der Figur!
A bisserl Reis, a wengerl Safl,
Ma braucht ja schließlich a sei Kraftl
A paar Pommes-Friterln min Salat
Ich machs min Öl, daß's mir net schad't.
A weng Kompott, dann zum Dessert,
A Glaserl Karlowitz, net mehr.
An Schwarzen - nur mit Sacharin.
Dann leg i mia am Diwan hin,
Weil i nach dera Hungerkur
Von ans bis drei dann tungn tua
Zur Jausen bin i gar net fad:
A Butterbrot mit Marmelad,
Vanillenkipferln zum Kaffee,
Worauf i dann ins Dampfbad geh.
Ma kriegt bei dera Schwitzerei
An guaten Appetit dabei.
I geh zum Demel nei' in d'Stadt
Und iß zwa Indianer grad.
Mehr mag i net - weng der Glasur.
Des schad't am End sonst der Figur!
Es Nachtmahl kommt dann eh schon bald,
Am liebsten ess' ma da nur kalt:
A Stückerl Wurscht, a Futzerl Käs,
An Fleischsalat mit Mayonnäs,
Zur Nachspeis gschwind an Kaiserschmarrn,
Bevor mir dann zum Heurign fahrn.
Da packt man gmüatlich aus im Gartl
A bratne Stelzen, resch min Schwartl,
A Kaiserfleisch, nur leicht durchspickt,
Weil sonst mein Mann die Gall' glei zwickt.
Dazua so drei, vier Vierteln gspritzt,
Wenn ma kommod beinander sitzt
Und plauscht und kiefelt so dabei
Salzmandeln und Kasbäckerei. -
Segn S', des is alls!
1 iß net vül! A anderer wuard dabei a Grüll.
Nur i werd bei der Hungerkur
Net mager, naa, i nimm no zua
Glei kiloweis bei jedem Wiegn
Bei mir muaß des an d'Drüsen liegn!
*gg*
„Das einzig Wichtige im Leben sind die Spuren von Liebe, die wir hinterlassen, wenn wir weggehen.“
(Albert Schweitzer)
[Aktualisiert am: So, 10 September 2006 14:21] Den Beitrag einem Moderator melden |
|
|
|
[  ]
aktuelle Zeit: Fr Apr 19 19:37:14 CEST 2024
Insgesamt benötigte Zeit, um die Seite zu erzeugen: 0.00700 Sekunden
|
Mitglieder
Kalender
Suche
Hilfe
Registrieren
Anmelden
Startseite
